រាជរដ្ឋាភិបាលកំពុងចរចាជាមួយមិត្តចិន សាងសង់ស្ពានមួយបន្ថែមទៀតនៅម្ដុំព្រែកប្រា

     

ភ្នំពេញ ៖ រាជរដ្ឋាភិបាលកម្ពុជា កំពុងចរចាជាមួយមិត្តចិន ក្នុងសាងសង់ស្ពានមួយបន្ថែមទៀតនៅម្ដុំព្រែកប្រា ដើម្បីកាត់បន្ថយការកកស្ទះចរាចរណ៍។ ថ្លែងក្នុងពិធីបើកការដ្ឋានសាងសង់ស្ពានអាកាសក្នុងរាជធានីភ្នំពេញចំនួន២ តម្លៃសរុបជាង ៤៦លានដុល្លារអាមេរិក នៅព្រឹកថ្ងៃទី៣១ ខែសីហា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រី បានឱ្យដឹងថា ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសា ធារណការនិងដឹកជញ្ជូន បានទទួលបទបញ្ជាពីរាជរដ្ឋាភិ បាលចរចាជាមួយមិត្តចិន អំពី

គម្រោងសាងសង់ស្ពានមួយ ទៀតនៅម្ដុំព្រែកប្រា ដើម្បីពង្វាងចរាចរណ៍ពីស្ពានព្រះមុនីវង្សទាំង២ និងស្ពានតាខ្មៅ ។ សម្តេចតេជោ បានបន្តថា គម្រោងសាងសង់ស្ពានមួយ ទៀតនៅម្ដុំព្រែកប្រានេះ មានប្រវែង ៨៤៥ម៉ែត្រ និងត្រូវធ្វើជា ៤គន្លង ២គន្លងទៅ និង ២គន្លងមក។ បន្ថែមពីនោះទៀត គម្រោងសាងសង់ស្ពានម្ដុំព្រែកប្រានេះ មានតម្លៃប្រហែល ៦០លានដុល្លារអាមេរិក។ សម្ដេចតេជោ បានបញ្ជាក់ថា ប្រសិនបើមិត្តចិន យល់ព្រមជាមួយនឹងគម្រោងនេះ ការដ្ឋាននេះអាចនឹងបើកដំណើរការនៅឆ្នាំ២០២៣។  « យើងនឹងកសាងស្ពានមួយទៀតនៅម្តុំ ព្រែកប្រា ហើយដោយស្ពាននេះមានប្រវែង៨៤៥ម៉ែត្រ ត្រូវធ្វើជា៤ គន្លង២ទៅ២មក ឱ្យវាធំកុំឱ្យស្ទះចរាចរណ៍លើស្ពាន ហើយតម្លៃវាប្រហាក់ប្រហែលជា ៦០លានដុល្លារ កំពុងតែចរចាគ្នាលើតម្លៃ ។ 

ប្រសិនបើយើងចាត់ទុកថា ជាអាទិភាពរបស់យើង ប្រសិនបើមិត្តចិនយល់ ព្រមជាមួយនឹងគម្រោងនេះ ការដ្ឋាននេះអាចនឹងបើកនៅឆ្នាំក្រោយ។ អ៊ីចឹងវាចាប់ពីផ្តើមពីអីមុននេះ គឺយើងឆ្លងទូកដវាចេះតែបានហើយ យើងដាក់ស្ពានមួយហើយ ក៏នៅតែស្ទះ ថែមស្ពានតាខ្មៅមួយទៀតក៏នៅតែស្ទះ ឥឡូវដាក់ព្រែកប្រាមួយទៀតដាក់អាធំតែម្តង ២ទៅ២មក ដើម្បីធានាថា ការឆ្លងកាត់ភ្នំពេញរហូតទៅដល់ខេត្តកណ្តាលវាមិនមានការរាំងស្ទះ » ។ 

សូមបញ្ជាក់ថា មកដល់ពេល នេះ កម្ពុជាមានស្ពានធំៗឆ្លង កាត់ទន្លេ សមុទ្រ ប្រមាណ ១៤ កន្លែងដែលបានស្ថាបនារួច និងដាក់ឱ្យប្រើប្រាស់ រួមមាន ស្ពានព្រះមុនីវង្ស, ស្ពានជ្រោយចង្វាទី២, ស្ពានជ្រោយចង្វាទី១, ស្ពានគីហ្សូណា, ស្ពានកោះកុង, ស្ពានព្រះមុនីវង្សថ្មី, ស្ពានព្រែកព្នៅ, ស្ពានព្រែកក្ដាម, ស្ពានព្រែកតាមាក់, ស្ពានតាខ្មៅ,ស្ពានព្រែកសំរោង, ស្ពានមេគង្គ, ស្ពានអ្នកលឿង, ស្ពានកោះធំ និងស្ពានជ្រៃធំ ៕

(សូមអានបន្ត)

សម្តេចតេជោ ហ៊ុន សែន ប្រសិទ្ធនាមស្ពានអាកាសថ្មីទាំងពីរ ដែលទើបសាងសង់ថា «ស្ពានអាកាសព្រះមុនីវង្ស» និង «ស្ពានអាកាសគង់សំអុល», ភ្នំពេញចំណាយសង់ស្ពានឆ្លងទន្លេ និងស្ពានអាកាសជាង ២២៦លានដុល្លារ ដោយប្រើវិធី «ស្លឹកត្នោត ខ្ចប់ស្ករត្នោត»

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី៣១ ខែសីហា ឆ្នាំ២០២២នេះ បានអញ្ជើញជាអធិបតីបើកការដ្ឋានសាងសង់ស្ពានអាកាស ក្នុងរាជធានីភ្នំពេញចំនួនពីរបន្ថែមទៀត ដែលមានតម្លៃសរុបជាង ៤៦លានដុល្លារអាមេរិក។

(សូមអានបន្ត)

ក្រុមប្រឹក្សាខេត្តស្វាយរៀង បើកកិច្ចប្រជុំសាមញ្ញលើកទី៣៩ ឆ្នាំទី៤ អាណត្តិទី៣

ស្វាយរៀង :ថ្ងៃទី៣០ ខែសីហា ឆ្នាំ២០២២ ឯកឧត្តម ជុំ ហាត ប្រធានក្រុមប្រឹក្សាខេត្តស្វាយរៀង អញ្ជើញដឹកនាំកិច្ចប្រជុំសាមញ្ញលើកទី៣៩ ឆ្នាំទី៤ អាណត្តិទី៣ របស់ក្រុមប្រឹក្សាខេត្តស្វាយរៀង នាព្រឹកថ្ងៃទី៣០ ខែសីហា

 ឆ្នាំ២០២២ ដែលកិច្ចប្រជុំនេះក៏មានការចូលរួមពីឯកឧត្តម ម៉ែន វិបុល អភិបាល នៃគណៈអភិបាលខេត្ត ព្រមទាំងលោក លោកស្រី ប្រធានមន្ទីរពាក់ព័ន្ធជុំវិញខេត្ត និងទីចាត់ការទាំង៥របស់សាលាខេត្តផងដែរ។

រូបថត៖-ស្វាយរៀង

(សូមអានបន្ត)

សម្តេចនាយករដ្ឋមន្រ្តី ហ៊ុន សែន អនុញ្ញាតឱ្យគណៈប្រតិភូសមាជិកសភាអាមេរិក ចូលជួបសម្តែងការគួរសម និងពិភាក្សាការងារ នៅវិមានសន្តិភាព

ភ្នំពេញ: ថ្ងៃទី២៩ ខែសីហា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អនុញ្ញាតឱ្យគណៈប្រតិភូសមាជិកសភាអាមេរិក ដឹកនាំដោយលោកស្រី អេលីហ្សាបេត វេន ដាញ (Elizabeth Van Duyne) តំណាងរាស្ត្រគណបក្សសាធារណរដ្ឋ មកពីរដ្ឋតិចសាស់ ចូលជួបសម្តែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ នាព្រឹកថ្ងៃទី២៩ ខែសីហា ឆ្នាំ២០២២។

(សូមអានបន្ត)

រូបសំណាកព្រះគ្រូឧបជ្ឈា និង រូបសំណាក់សម្តេចតេជោ ហ៊ុន សែន ចាប់ផ្តើមសាងសង់នៅខេត្តក្រចេះ

ក្រចេះ ៖ រដ្ឋបាលខេត្តក្រចេះ ដឹកនាំដោយឯកឧត្តម វ៉ា ថន អភិបាលខេត្ត និងលោក ជា ធារិទ្ធ ទីប្រឹក្សាផ្ទាល់សម្តេចតេជោហ៊ុន សែន បានធ្វើពិធីក្រុងពាលីសាងសង់ព្រះទីនាំងបុស្បុក និងរូបសំណាកព្រះធម្មាចារ្យ គឹម ច្រែង និងរូបសំណាកសម្តេចតេជោ ហ៊ុន សែន កាលពីកុមារភាព នៅភូមិតាលុស ឃុំបុសលាវ ស្រុកចិត្របុរី ខេត្តក្រចេះ នាព្រឹកថ្ងៃទី ២៧ សីហា ២០២២ ដើម្បីតម្កល់ជាប្រវត្តិសាស្រ្ត ។

 ឯកឧត្តម វ៉ា ថន អភិបាលខេត្តក្រចេះ មានប្រសាសន៍ថា ការសាងសង់នេះ គឺដើម្បីជាការរំលឹកនឹកគុណដល់ព្រះគ្រូឧប្ម្ជព្រះគ្រូឧបជ្ឈា ហ៊ុន សែន ដែលជាគ្រូដំបូងបានអប់រំទូន្មានប្រៀនប្រដៅសម្តេចតេជោ កាលពីសម្តេចនៅវ័យកុមារភាពឲ្យមានចំណេះចេះដឹងក្លាយជាបញ្ញវ័ន

 និងជាវីរជនឆ្នើមរបស់កម្ពុជា ដែលបានដឹកនាំកសាងប្រទេសជាតិឲ្យមានការអភិវឌ្ឍ រីកចម្រើនមកទល់សព្វថ្ងៃ ដែលទីតាំងខេត្តក្រចេះនេះ ក៏ជាតំបន់ប្រវត្តិសាស្រ្តនៃការរំដោះប្រទេសជាតិកម្ពុជា ឲ្យរួចផុតពីរបប ប្រល័យពូជសាសន៍ ប៉ុល ពត ហើយជាពិសេសគឺដើម្បីឧទ្ទិស

កុសលផលបុណ្យ ជូនសម្តេចតេជោ ហ៊ុន សែន ជាម្ចាស់សាងសង់ព្រះទីនាំងនិងរូបសំណាករបស់ព្រះគ្រូ ដើម្បីទុកជាកេរ្តិ៍ដំណែលប្រវត្តិសាស្ត្រ ដល់សាធារណជន និងយុវជនជំនាន់ក្រោយបានដឹង ។ ឯកឧត្តមបន្តថា ទីតាំងនៃការសាងសង់រូបសំណាកនេះ ក៏នឹងក្លាយទៅជាទីតាំងតំបន់ទេសចរណ៍ថ្មីមួយកន្លែងទៀត ជាការលើកមុខមាត់នៃខេត្តក្រចេះផងដែរ ។ 

ស្របពេលនេះដែរ ខេត្តក្រចេះ ក៏កំពុងត្រៀមអបអរសាទរនូវការទទួល បានស្ពានឆ្លងទន្លេប្រវត្តិសាស្រ្ត១ខ្សែ នៅពេលខាងមុខនេះ ដើម្បីពង្រីកការអភិវឌ្ឍរបស់ខេត្ត និងការបង្កើននូវកំណើនសេដ្ឋកិច្ចដល់ប្រជាពលរដ្ឋ កាត់បន្ថយការចំណាកស្រុក កាត់បន្ថយការធ្វើដំណើរឆ្លងកាត់ និងការដឹកជញ្ជូនកសិផល ទិន្នផល និងផលិតផលនានាឆ្លងកាត់ខេត្តនីមួយៗ ។ 

 ទាំងអស់នេះគឺទទួលបានក្រោមការដឹកនាំរបស់សម្តេចតេជោ ហ៊ុន សែន ប្រមុខដឹកនាំរាជរដ្ឋារដ្ឋាភិបាល និងជានាយករដ្ឋមន្រ្តីនៃកម្ពុជា ដែលកើតចេញពីកូនកសិករ បានគិតគូរយកចិត្តទុកដាក់ខ្ពស់ចំពោះសុខទុក្ខរបស់ប្រជាជនគ្រប់រូប និងបានបន្តកសាងនូវហេដ្ឋារចនាសម្ព័នរូបវន្ត័ជាច្រើនគ្រប់វិស័យ ដើម្បីឲ្យមុខមាត់ប្រទេសមានការរីកចម្រើនឡើងវិញ និងធ្វើឲ្យសេដ្ឋកិច្ចជាតិមានការរីកចម្រើនលើឆាកអន្តរជាតិ ។ 

 ក្នុងនោះដែរឯកឧត្តម វ៉ា ថន អភិបាលខេត្ត ក៏បានអំពាវនាវដល់ប្រជាពលរដ្ឋទាំងអស់ ជាពិសេសគ្រួសារដែលមានមនុស្សចាស់ សូមមកចូលរួមទទួលយកវ៉ាក់សាំងឲ្យបានគ្រប់ដូស ដើម្បីបង្កើនប្រព័ន្ធភាពស៊ាំក្នុងខ្លួនបន្ថែម និងដើម្បីបានរស់នៅយូរជាម្លប់អប់រំទូន្មានដល់កូនចៅ និងបានឃើញនូវការរីកចម្រើនរបស់ស្រុកទេស ក្រោមនយោបាយដឹកនាំរបស់រាជរដ្ឋាភិបាលដែលមានសម្តេចតេជោ ហ៊ុន សែន ជាប្រមុខដឹកនាំ ៕

(សូមអានបន្ត)